1
Gen yon jou k ap vini,
Jou sa a p ap genyen chagren
P ap gen nyaj nan syel la,
Ni gwo dlo pou twouble je m
Va gen lapè pou toutan,
Nan bèl ti vil dò sa a
ki gran jou, jou gloriye sa va ye!

Refrain
Ki gran jou sa va ye,
Le m a rakontre Jezi
E mwen va gade figi l,
Li menm ki sove m pa gras
E li va kenbe men mwen.
Poul mennen m
Nan tè pwomès la
Ki gran jou, jou gloriye sa va ye!

2
P ape genyen tristès,
Ni fado pou nou pote,
Ni maladi, ni doulè,
Ni pataj nan peyi sa a.
Va gen lapè pou toutan
Nan bèl ti vil dò sa a.
Ki gran jou, jou gloriye sa va ye!

3
Ou men m ki san Jezi,
sa ou va fè nan jou sa a?
Men Jezi pral vini,
Pòt lagras la pral fèmen
Kòlè Bondye pral tonbe
Sou tout moun ki san Jezi.
Ki gran jou, jou gloriye sa va ye!

1
Bondye voye pitit li l rele Jezi
Ki te vini pou padone
Li rachte nou
Epi li fè nou lib
Kounye a la a, li ak papa l
L ape tann nou.

Refrain
Mwen konnen l vivan
M ap konte sou demen
Paske l vivan,
Enkyetid mwen ale
Paske m konnen, O, m konnen
Li se tout lavi mwen
M ap konte jou pou l vin n chèche m
Paske l vivan.

2
Mwen aksepte tout sa ki rive mwen
Paske sovè m ap defann mwen
Jouden an mèt devan m
Kè mwen p ap boulvèse
Paske Jezi m nan pa mouri
E li vivan.

3
Tout espwa mwen se sou li sèlman
Paske l di mwen l ap vinn chèche m
Eprèv nan lavi sa a
P ap fè m doute ditou
Bondye m nan gran e li vivan
M ape tann li.

1
Papa mwen chita devan w maten an
Men ti Bib mwen louvri devan m
M ap mande w tanpri louvri lespri mwen
Pou m ka konprann pawòl ki ladan l
Pou m ka sonje se ou ki papa mwen
Pou m toujou fè sa tout sa ou di mwen
Mwen bezwen fòs Lespri Sen w anpil
Pou m rete toujou nan bon chemen

Refrain
Lave m ak dlo vivan
Nouri m ak pawòl vivan
Pou m sèvi Bondye vivan
Toutotan mwen rete vivan
Lave m ak dlo vivan
Nouri m ak pawòl vivan
Pou m sèvi Bondye vivan
Toutotan mwen rete vivan

2
Mèsi Bondye ou ban mwen pawòl sa
Lè m dekouraje li ban mwen fòs
Lè m grangou, lè m swaf mwen sipòte
Pawòl sa gen pwoteyin ladan l
Tanpri pa kite m pase yon maten
Pou m pa pran randevou ak Bib mwen
San m pa jwenn medikaman mwen bezwen
Pou pase jounen an ak Bondye

3
M'ap mande'w Lespri Sen an nan vi mwen
pou dirije chak pa'm nan wout la
Chak maten m'a chèche prezans ou
Pou'm pran kwa mwen e mache ak ou
Moman yo ka difisil pou mwen
Mwen mete tout konfyans mwen nan ou
Nan detrès, nan mizè, mwen rele ou
E touswit ou ban'm lapè ak jwa